బ్యాంకు నుంచి అప్పు తీసుకున్న వ్యక్తి చనిపోతే.. ఆ లోన్ తిరిగి ఎవరు చెల్లించాలో తెలుసా.!
ప్రజలు తమ ఆర్థిక అవసరాలను తీర్చుకోవడానికి అనేక రకాల రుణాలను తీసుకుంటారు. ఇల్లు కొనడానికి లేదా నిర్మించుకోవడానికి బ్యాంకులు హోమ్ లోన్, కారు కొనడానికి ఆటో లోన్, వ్యక్తిగత అవసరాల కోసం పర్సనల్ లోన్ ఇస్తాయి.
ఈ రుణాలపై బ్యాంకులు వడ్డీని వసూలు చేస్తాయి. రుణగ్రహీత EMIల రూపంలో రుణాన్ని చెల్లిస్తారు. రుణం తీసుకోవడానికి మీరు ఆన్‌లైన్, ఆఫ్‌లైన్‌లో బ్యాంకులకు చెల్లించాల్సి ఉంటుంది. ఒక వ్యక్తి రుణం తీసుకుని ఇంకా పూర్తిగా రుణం చెల్లించక ముందే.. అంటే ఈ లోగా తీసుకున్న వ్యక్తి మరణిస్తే, బ్యాంకుకు బకాయి ఉన్న రుణ మొత్తాన్ని ఎవరు చెల్లిస్తారు. దానికి ఎవరు బాధ్యత వహిస్తారు..? ఈ ప్రశ్నలకు సమాధానాలు మీకు ఇంకా తెలియకుంటే, ఇక్కడ మీకు దాని గురించి సవివరమైన సమాచారం అందించబడుతున్నాం..
వ్యక్తిగత రుణం:
ఈ రుణం ఇప్పటికే అసురక్షిత రుణం కేటగిరీలో ఉంచబడింది. దీని కింద బ్యాంకులు అధిక వడ్డీ రేటును వసూలు చేస్తాయి. అటువంటి రుణాన్ని తిరిగి చెల్లించే బాధ్యత రుణం తీసుకున్న వ్యక్తిపై మాత్రమే ఉంటుంది. అటువంటి పరిస్థితిలో రుణం తీసుకున్న వ్యక్తి మరణిస్తే.. బ్యాంకు లేదా సంస్థ ఆ వ్యక్తి కుటుంబాన్ని రుణాన్ని రికవరీ చేయమని ఒత్తిడి చేయవు.
గృహ రుణం:
గృహ రుణం తీసుకోవడానికి ఏ వ్యక్తి అయినా ఇంటి కాగితాలను లేదా ఆ రుణానికి సమానమైన ఆస్తి కాగితాలను తనఖా పెట్టాలి. అయితే రుణం తీసుకున్న వ్యక్తి కొంతకాలనికి మరణిస్తే మిగిలిన రుణాన్ని అతని వారసుడు తిరిగి చెల్లించాలి. అతను రుణ మొత్తాన్ని తిరిగి చెల్లించలేకపోతే.. బ్యాంకులు వారి రుణాన్ని తిరిగి పొందేందుకు ఆస్తిని వేలం వేస్తాయి. ఇలాంటి సమయంలో రుణం తీసుకున్న వ్యక్తి బీమా చేయాలని బ్యాంక్ అధికారులు సూచిస్తారు. ఎందుకంటే రుణం తీసుకున్న వ్యక్తికి ఏదైన జరిగితే బీమా వర్తిస్తుంది. అయితే, గృహ రుణంపై బీమా చేస్తే బీమా కంపెనీ ఆ మొత్తం రుణంను చెల్లిస్తాయి.
కారు రుణం:
కారు రుణం లేదా ఇతర వాహనం కోసం రుణం తీసుకున్న వ్యక్తి మరణిస్తే.. వారసుడు లేదా కుటుంబ సభ్యులు ఆ రుణ మొత్తాన్ని తిరిగి చెల్లించాలి. వారు రుణ మొత్తాన్ని తిరిగి చెల్లించలేకపోతే.. ఆ వాహనాన్ని బ్యాంక్ స్వాధీనం చేసుకుంటుంది. ఆ తర్వాత విక్రయించడం ద్వారా రుణం మొత్తం రికవరీ చేయబడుతుంది.
క్రెడిట్ కార్డ్ క్రెడిట్ కార్డుపై:
క్రెడిట్ కార్డుపై తీసుకున్న మొత్తం కూడా అప్పు కిందకే వస్తుంది. క్రెడిట్ కార్డ్ హోల్డర్ చనిపోతే.. ఈ మొత్తాన్ని బ్యాంక్ ఆఫ్ చేస్తుంది. అంటే ఇప్పుడు ఈ మొత్తాన్ని తిరిగి చెల్లించాల్సిన అవసరం ఎవరికి ఉండదు.
