టెలికం కంపెనీలకు బ్యాడ్ న్యూస్.. యూజర్లకు గుడ్ న్యూస్

ఇపప్టి వరకూ కూడా జియో, Vi మరియు ఎయిర్టెల్ మూడు టెలికం కంపెనీలు కూడా నెల రోజుల రీఛార్జ్ అంటే కేవలం 28 రోజుల వ్యాలిడిటీని మాత్రమే అందిస్తూ వచ్చాయి. అయితే, ఇప్పడు TRAI ఈ 28 రోజుల వ్యాలిడిటీ పైన కఠిన చర్లకు దిగింది మరియు 28 రోజుల ప్లాన్స్ ఇకపై పనిచేయవని కేంద్ర ఏజెన్సీ ప్రకటించింది. అంటే, జియో, ఎయిర్‌టెల్ మరియు వోడాఫోన్ ఐడియా అన్ని టెలికం కంపెనీలు కూడా పూర్తి నెల రోజులు చెల్లుబాటు అయ్యే ప్లాన్ను అందించాలి.

TRAI చర్యల ఫలితంగా, ప్రస్తుత 28 రోజుల వ్యవధితో నడుస్తున్న ప్లాన్స్ కథ కంచికి చేరుతుంది. అంటే, రాబోయే కాలంలో అన్ని ప్లాన్లు కూడా 30 రోజుల చెల్లుబాటుతో వస్తాయి. ఈ మేరకు ట్రాయ్ విడుదల చేసిన ప్రకటనలో ఈ వివరాలను పేర్కొంది.

ట్రాయ్ కొత్త విధానాల ప్రకారం, అన్ని టెలికం సంస్థలు కూడా ఈ నిభంధనలను పాటించ వలసి వస్తుంది. అంటే, కనీస వోచర్ మొదలుకొని ప్రత్యేక టారిఫ్ వోచర్ల వరకూ కూడా అన్ని ప్లాన్స్ కూడా 30 రోజుల పాటు చెల్లుబాటులో ఉండాలి. అంటే, ఇక నుండి రీఛార్జ్ చేసే ప్లాన్ మళ్ళి తిరిగి అదే రోజున రీఛార్జ్ చేసుకునే విధంగా ఉండేలా టెలికం కంపెనీలు చూసుకోవాలి. టెలికం కంపెనీలు ఈ విధంగా తమ ప్లాన్స్ ను సరిచేసుకోవడానికి కేంద్ర ఏజెన్సీ TRAI వారికి 60 రోజుల సమయం ఇచ్చింది.

మొబైల్ నంబర్ యూజర్ల నుండి వచ్చిన వచ్చిన ఫీడ్బ్యాక్ ఆధారంగా ట్రాయ్ ఈ నిర్ణయం తీసుకుంది. ప్రతి ఒక్కరూ టెలికాం టారిఫ్ ఆర్డర్ను పాటించాలని 2022 జనవరి ప్రారంభంలోనే TRAI ప్రకటించింది.

ఎవరైనా కాల్ చేసినప్పుడు ఫోన్ స్క్రీన్‌లపై కాలర్ యొక్క KYC ఆధారిత పేరు ఫ్లాష్ అయ్యేలా ఒక మెకానిజమ్‌ను రూపొందించడంపై టెలికాం రెగ్యులేటర్ ట్రాయ్ త్వరలో సంప్రదింపులు ప్రారంభిస్తుందని ఒక ఉన్నత అధికారి తెలిపారు. టెలికాం రెగ్యులేటరీ అథారిటీ ఆఫ్ ఇండియా (ట్రాయ్) టెలికాం శాఖ (DoT) నుండి దీని గురించి సంప్రదింపులు ప్రారంభించడానికి సూచనను అందుకుంది.
దీనిపై సంప్రదింపులు రెండు నెలల్లో ప్రారంభమవుతాయని ట్రాయ్ చైర్మన్ పీడీ వాఘేలా తెలిపారు. “మాకు ఇప్పుడే ఒక సూచన వచ్చింది, త్వరలో మేము దీని పనిని ప్రారంభిస్తాము. ఎవరైనా కాల్ చేసినప్పుడు KYC ప్రకారం పేరు కనిపిస్తుంది” అని వాఘేలా చెప్పారు. ట్రాయ్ ఇప్పటికే ఇలాంటి మార్గాలపై ఆలోచిస్తున్నారని, అయితే ఇప్పుడు టెలికాం డిపార్ట్‌మెంట్ నుండి నిర్దిష్ట సూచనతో, దీనికి సంబంధించిన పనులు త్వరలో ప్రారంభమవుతాయని ఆయన అన్నారు.

ఇది మొబైల్ వినియోగదారులకు ఎలా సహాయపడుతుంది
కాలర్ యొక్క KYC-ఆధారిత పేరును ఫ్లాష్ చేయడం వలన స్మార్ట్‌ఫోన్ వినియోగదారులను స్పామ్ కాల్‌ల నుండి మాత్రమే కాకుండా ఫిజింగ్ కాల్‌ల నుండి కూడా రక్షించవచ్చు. బ్యాంక్, ఇన్సూరెన్స్ కంపెనీలు లేదా ఇతర వ్యాపారాల నుండి క్లెయిమ్ చేసే కాలర్‌లు ఆర్థిక మోసాలు లేదా గుర్తింపు దొంగతనాల కోసం మొబైల్ వినియోగదారులు తమ సున్నితమైన బ్యాంకింగ్ లేదా ఇతర సమాచారాన్ని పంచుకునేలా చేసిన సందర్భాలు చాలా ఉన్నాయి.

“DoT నిబంధనల ప్రకారం, టెలికాం కంపెనీలు చేసిన KYC ప్రకారం, ఈ యంత్రాంగం ఫోన్ స్క్రీన్‌పై పేరు కనిపించేలా చేస్తుంది” అని వాఘేలా జోడించారు.