మీ సిబిల్ స్కోర్ ఎక్కువ ఉందా.. అయితే తక్కువ వడ్డీకే రుణాన్ని పొందండి;
దేశీయ అతిపెద్ద బ్యాంకు అయిన స్టేట్ బ్యాంకు అఫ్ ఇండియా (ఎస్బీఐ), అక్టోబర్ నెల పండుగ సీజన్ కావడంతో, ఆ సమయంలో ఫెస్టివల్ సీజన్ హోమ్ లోన్ ఆఫర్ ను ప్రకటించిన విషయం తెలిసిందే.
ఈ ఆఫర్ అక్టోబర్ 4 న ప్రారంభమై జనవరి 31, 2023న ముగుస్తుంది. ఈ ఆఫర్ లో భాగంగా ఎస్బీఐ 15 నుండి 30 బేసిస్ పాయింట్ల మేర వడ్డీ రేట్లలో డిస్కౌంట్లను అందిస్తోంది.
గృహ రుణాలపై వడ్డీ రేట్లు 8.40 శాతం వరకు ఉన్నాయి. అలాగే రెగ్యులర్, టాప్ అప్ హోమ్ లోన్ల పై ప్రాసెసింగ్ ఫీజును కూడా బ్యాంకు రద్దు చేసింది. ఎస్బీఐ గృహ రుణాలపై వడ్డీ రేట్లు అనేవి రుణగ్రహీత సిబిల్ స్కోరు ఆధారంగా మారుతూ ఉంటాయి.ఈ ఆఫర్ లో భాగంగా ఎస్బీఐ మూడు రకాల రుణాలను అందిస్తోంది.
సాధారణ గృహ రుణాలు :
ఫెస్టివ్ ఆఫర్ లో భాగంగా 800 లేదా అంతకంటే ఎక్కువ క్రెడిట్ స్కోర్ కలిగిన రుణగ్రహీతలకు 15 బేసిస్ పాయింట్ల తగ్గింపుతో 8.40 శాతానికి గృహ రుణాలను అందిస్తున్నట్లు ఎస్బీఐ తెలిపింది. సాధారణ ఖాతాదారులకు వడ్డీ రేటు 8.65 శాతంగా ఉంది. అదే క్రెడిట్ స్కోర్ 750 నుంచి 799 మధ్య ఉన్న రుణగ్రహీతలకు 25 బేసిస్ పాయింట్ల తగ్గింపును బ్యాంకు అందిస్తోంది. అలాగే సిబిల్ స్కోర్ 700 నుంచి 749 మధ్య ఉన్న రుణగ్రహీతలకు గృహ రుణ వడ్డీ రేట్లపై 20 బేసిస్ పాయింట్ల డిస్కౌంట్ ను బ్యాంకు అందిస్తుంది. 700 కంటే తక్కువ క్రెడిట్ స్కోర్ కలిగిన రుణగ్రహీతలకు గృహ రుణాలపై ప్రస్తుతం ఉన్న వడ్డీ రేట్లే వర్తిస్తాయి. వీరికి వడ్డీ రేట్లలో ఎలాంటి తగ్గింపు లభించదు. అదే 650 నుంచి 699 మధ్య సిబిల్ స్కోర్ కలిగిన వారికి 8.85 శాతం వడ్డీ రేటు, 550 నుంచి 649 మధ్య సిబిల్ స్కోర్లకు కలిగిన వారికి 9.05 శాతం వడ్డీ రేటును బ్యాంకు అందిస్తుంది.
టాప్ అప్ గృహ రుణాలు :
700 నుంచి 800 మధ్య క్రెడిట్ స్కోర్ కలిగిన రుణగ్రహీతలకు ఎస్బీఐ 15 బేసిస్ పాయింట్ల డిస్కౌంట్ అందిస్తోంది. 800 లేదా అంత కంటే ఎక్కువ క్రెడిట్ స్కోర్లపై బ్యాంకు 8.80 శాతం వడ్డీ రేటు, 750 నుంచి 799 మధ్య క్రెడిట్ స్కోర్లను కలిగిన వారికి 8.90 శాతం వడ్డీ రేటు, 700 నుంచి 749 మధ్య క్రెడిట్ స్కోర్లను కలిగిన వారికి 9 శాతం వడ్డీ రేటును బ్యాంకు అందిస్తుంది. అలాగే 650 నుంచి 699 మధ్య సిబిల్ స్కోర్ కలిగిన వారికి 9.25 శాతం వడ్డీ రేటు, 550 నుంచి 649 మధ్య సిబిల్ స్కోర్ కలిగిన వారికి 9.55 శాతం వడ్డీ రేటును బ్యాంకు అందిస్తుంది.
ఆస్తిపై రుణాలు :
800 లేదా అంత కంటే ఎక్కువ క్రెడిట్ స్కోర్ కలిగిన రుణగ్రహీతలు ప్రామాణిక 10.30 శాతం వడ్డీ రేటుకు బదులుగా 10 శాతం వడ్డీ రేటుకే రుణాలను పొందుతారు. అలాగే 750 నుంచి 799 మధ్య క్రెడిట్ స్కోరు ఉన్నవారు ప్రామాణిక 10.40 శాతం వడ్డీ రేటుకు బదులుగా 10.10 శాతం వడ్డీ రేటుకే రుణాలను పొందుతారు. అదేవిధంగా 700 నుండి 749 మధ్య క్రెడిట్ స్కోరు ఉన్నవారు ప్రామాణిక 10.20 శాతానికి బదులుగా 10.20 శాతం వడ్డీ రేటుకే రుణాలను పొందుతారు. ఇక 650 నుంచి 699 మధ్య మధ్య క్రెడిట్ స్కోరు ఉన్నవారు 10.60 శాతం వడ్డీ రేటును, 550 నుంచి 649 మధ్య మధ్య క్రెడిట్ స్కోరు ఉన్నవారు 10.70 శాతం వడ్డీ రేటుకే రుణాలను పొందవచ్చు.
